Paxta tayyorlash yillik rejasini mamlakatda birinchilardan bajargan Qo‘shtepa tumani dehqonlarining bu zafarlarida «FERGANA GLOBAL TEXTILE» MCHJ va uning rahbari Mo‘minjon Razzoqovning hissasi katta. Klaster usulida paxta yetishtirgan qo‘shtepalik dehqonlarni «FERGANA GLOBAL TEXTILE» MCHJ erta bahordan zarur texnik vositalar, yetarli miqdorda kimyoviy va mineral o‘g‘it, biologik ishlov berish vositalari bilan o‘z vaqtida ta’minlab turdi.
Shu o‘rinda ta’kidlash o‘rinliki, agar ilgari fermer xo‘jaliklari ish yuritishda bank kreditiga bog‘liq bo‘lgan bo‘lsa, endi bu vazifani klaster tashkilotchisi o‘z zimmasiga oldi. Ayniqsa, yetishtirgan paxtani yig‘ib-terib olish chog‘ida katta tashkilotchilik ko‘rsatdi. Kunlik ish haqi to‘lash tizimi tashkil etildi. Natijada garchi Qo‘shtepa tumani bugungacha rejani 110 foizga bajargan bo‘lsa-da, dalalarda hali hosil mo‘l.
– Viloyat hokimiga katta rahmat, – deydi tadbirkor M.Razzoqov. – Qilgan mehnatlarimizni qadrlab, avtomashina sovg‘a qildilar. Bundan keyin ham g‘ayrat bilan ishlab, bu ishonchni oqlaymiz.
Aytish joizki, tadbirkor tomonidan yana bir xayrli ishga qo‘l urildi: cho‘l hududida 11 gektarlik maydonda paxtani qayta ishlash zavodi qurilishiga bel bog‘ladi.
Umuman, viloyatda paxta yetishtirishda klaster usulidan foydalanish o‘z natijalarini bermoqda.
Usmonjon Qodirov, bloger.
Mavzuga doir
Farg‘onada yoshlarga dehqonchilik qilish uchun yer maydonlari ajratib berilmoqda
Yoshlarni qo‘llab-quvvatlash va bandligini ta’minlash, ularning doimiy daromad manbaiga ega bo
- 12.04.2024 / 21:53
- 486
Yangi qaror: Sug‘urta tizimidagi o‘zgarishlar xalq uchun manfaat keltiradimi?
O‘zbekiston Respublikasi Prezidentining 2024-yil 1-martdagi “Sug‘urta xizmatlari bozorini yana
- 12.03.2024 / 14:29
- 186
Iqtibos, kun raqami, qiziqarli ovozli xabarlar va kun deyjesti - Telegram kanalimizda!
Muhokama qoldirish
Muhokama qonun-qoidalari