• USD
  • EUR
  • RUB
Sotib olish

10820.00

Sotish

10880.00

Bosh sahifa Voqealar Farg‘onada neft bilan shug‘ullanuvchi yashirin korxona aniqlandi
Voqealar

Farg‘onada neft bilan shug‘ullanuvchi yashirin korxona aniqlandi

  • 12.10.2019 / 14:01
  • 2180
  • 0
111

“O‘zneftgazinspeksiya” tomonidan neft va neft mahsulotlarini qayta ishlash bo‘yicha yashirin korxonalarni aniqlash va ularning faoliyatiga chek qo‘yish maqsadida o‘tkazilayotgan tadbir vaqtida Farg‘ona shahridagi Kimyogarlar ko‘chasi 6-G uyda joylashgan “Farg‘ona stats oyl” MChJning noqonuniy faoliyati aniqlandi. Bu haqda “O‘zneftgazinspeksiya” axborot xizmati xabar qildi.

Hujjatlarga ega bo‘lmagan korxona yashirin tarzda neft xom ashyosiga ishlov berishni yo‘lga qo‘ygan. Obyektda neft va neft mahsulotlariga ishlov berish bo‘yicha ishlab chiqarish sikli tashkil qilingan. Aniqlangan ashyoviy dalillar orasida 5 tonna neft xom ashyosi, 5,5 tonna dizel yoqilg‘isi, 23,5 tonna sanoat moyi, shuningdek, 12 tonna neft shag‘ali va 3 tonna neft koksi bor.

Xabarda yozilishicha, neft xomashyolar va qayta ishlangan mahsulotlar hamda moylar temir sig‘imlarda saqlangan. Hozirgi paytda idishlarda saqlangan neft mahsulotlarining umumiy hajmi aniqlanmoqda.  

Topilgan idishlardagi mahsulotning sifatini aniqlash uchun 5 ta namuna olindi. Namunalar Farg‘ona neftni qayta ishlash zavodining kimyoviy nazorat laboratoriyasiga batafsil tahlil o‘tkazish uchun yuborilgan.

Iqtibos, kun raqami, qiziqarli ovozli xabarlar va kun deyjesti - Telegram kanalimizda!

Muhokama qoldirish

Muhokama qonun-qoidalari


So'ngi Muhim Media Dolzarb yangiliklar