Hosil bayrami saxovatli zaminimizda yetishtirilgan hosilni yig‘ib-terib olish pallasi yakunlanganining ramziy ifodasidir.
Marg‘ilon shahar 9-sonli davlat maktabgacha ta’lim muassasasining «Oltin baliqcha» guruhida ham “Hosil bayrami” munosib ravishda nishonlandi. Bayramda quyoshli o‘lkamizning boy va tabiiy ne’matlari tarannum etildi. Muassasa tarbiyalanuvchilari shu kuni qovoqcha, olma, nok, sabzi kabi sarxil meva-sabzavotlar timsolida jam bo‘lib, ramziy hosil yig‘ilganini ifoda etdilar. Turli-tuman pishiriqlar taqdim etilgani tadbir taassurotlarini yanada boyitdi.
«Oltin baliqcha» guruhi o‘zining qiziqarli chiqishlari, meva va sabzavotlar haqidagi she’r, qo‘shiqlari hamda raqslari bilan tadbirda mehmon bo‘lgan tarbiyachi va tarbiyalanuvchilarning kayfiyatlarini ko‘tardilar.
Tadbir so‘ngida Marg‘ilon shahar 9-sonli davlat maktabgacha ta’lim muassasasi mudirasi D.Mamatova so‘zga chiqib, tarbiyachi va tarbiyalanuvchilarni “Hosil bayrami” bilan qutladi, tadbir muallifi va ishtirokchilariga minnatdorchilik bildirdi.
Madaminjon SOLIJONOV
Mavzuga doir
Xususiy OTMlarning ayrim talabalariga kontrakt pullari to‘lab beriladi
- 16.09.2024 / 16:04
- 208
Farg‘onalik o‘qituvchilar delegatsiyasi Yaponiyaga bordi
Ayni kunlarda Farg‘ona viloyati hokimi tashabbusi bilan Yaponiya ta’lim metodikasi joriy qilinga
- 04.07.2024 / 13:18
- 558
Iqtibos, kun raqami, qiziqarli ovozli xabarlar va kun deyjesti - Telegram kanalimizda!
Muhokama qoldirish
Muhokama qonun-qoidalari