Oltiariq tumani mirishkorlari astoydil bo‘lishsa ketmonni ham ko‘kartirib yuboradiganlardan. Shuning uchun ham tumanda yetishtirilgan meva-sabzavotlarni eksport qilishga, qayta ishlashga ishtiyoqmand biznes vakillari talaygina.
Kuni kecha Oltiariq tuman Davlat xizmatlari markazida xorij sarmoyadorlari ishtirokidagi ikkita korxona davlat ro‘yxatidan o‘tkazildi.
Gap shundaki, rasman ro‘yxatga olingan Iroq davlati sarmoyadorlari ishtirokidagi “Saro Rashed Group” mas’uliyati cheklangan jamiyati yaqin kunlarda meva va sabzavotlarni qayta ishlashni boshlaydi. Korxonada 50 nafardan ortiq mahalliy yoshlar ish bilan ta’minlanadi.
Buni qarangki, shu kunning o‘zida qishloq xo‘jaligi mahsulotlari ulgurji savdosi bilan shug‘ullanuvchi qirg‘izistonlik tadbirkorlar ishtirokidagi “Oltiariq Food City” mas’uliyati cheklangan jamiyatiga ham rasman tadbirkorlik faoliyati bilan shug‘ullanishlari uchun ruxsat berildi. Xorij sarmoyasi asosida davlat ro‘yxatidan o‘tkazilgan bu jamiyatda tez kunlarda 100 ga yaqin yangi ish o‘rinlari yaratiladi.
Ma’lumot o‘rnida aytish mukinki, ayni kunlarda Farg‘ona viloyatida jami 81 mingdan ortiq tadbirkorlik sub’ektlari faoliyat ko‘rsatmoqda. Ularning 26 minga yaqini yakka tartibdagi tadbirkorlar, 57 tasi yuridik ko‘rinishga ega tadbirkorlar hamda 294 tasi xorijiy korxonalar hissasiga to‘g‘ri keladi.
Mavzuga doir
Farg‘onada yoshlarga dehqonchilik qilish uchun yer maydonlari ajratib berilmoqda
Yoshlarni qo‘llab-quvvatlash va bandligini ta’minlash, ularning doimiy daromad manbaiga ega bo
- 12.04.2024 / 21:53
- 444
Yangi qaror: Sug‘urta tizimidagi o‘zgarishlar xalq uchun manfaat keltiradimi?
O‘zbekiston Respublikasi Prezidentining 2024-yil 1-martdagi “Sug‘urta xizmatlari bozorini yana
- 12.03.2024 / 14:29
- 181
Iqtibos, kun raqami, qiziqarli ovozli xabarlar va kun deyjesti - Telegram kanalimizda!
Muhokama qoldirish
Muhokama qonun-qoidalari