Turli vajlar bilan to‘lanmay kelinayotgan soliq qarzdorliklarini undirish maqsadida Farg‘ona viloyati davlat soliq boshqarmasi tomonidan Majburiy ijro byurosi viloyat boshqarmasi bilan hamkorlikda viloyatning barcha shahar va tumanlarida xatlov tadbirlari olib borilmoqda. Bu haqida Farg‘ona viloyati davlat soliq boshqarmasi axborot xizmati xabar qildi.
Joriy yil iyun oyi boshidan hozirga qadar o‘tkazilgan tadbirlar natijasida soliqdan qarzdorligi mavjud bo‘lgan 12 ta tadbirkorlik subyekti 1,2 mlrd. so‘m miqdoridagi to‘lovlarni amalga oshirdi.
Xususan, Farg‘ona tumanida ro‘yxatdan o‘tgan "Qo‘rg‘on sifat" MChJ vakillari bilan mavjud soliq qarzdorligi yuzasidan o‘tkazilgan suhbat natijasida 310 mln. so‘m miqdoridagi soliqlar davlat byudjetiga to‘lab berildi.
Farg‘ona shahridagi "Sayyor-2017" MCHJdan esa 201 mln. so‘m soliq qarzdorligi undirildi.
Bundan tashqari, qarzdorligi katta bo‘lgan 36 ta subyektning qariyb 48 mlrd. so‘m qiymatdagi mol-mulklari xatlovga olindi.
Qo‘shtepa tumanidagi “Texmashservis” MChJning 1,2 mlrd. soliq qarzdorligi uchun jamiyatning bino inshootlari xatlanib, muxrlandi.
Uzoq vaqtdan buyon soliqlar to‘lanmasligi natijasida 5,8 mlrd. so‘m miqdoridagi qarzdorligi yuzaga kelgan “Issiqlik manbai” DUKning ham bino-inshootlari xatlovga olindi.
O‘zbekiston tumanida olib borilgan tadbirlarda esa "Sho'rsuv g'isht zavodi" MCHJning 82,0 mln.so'm soliq qarzi hisobiga jamiyatga tegishli “Nexia” rusumli transport vositasi xatlanib, vaqtincha saqlash joyiga olib kirildi.
Mavzuga doir
Farg‘onada yoshlarga dehqonchilik qilish uchun yer maydonlari ajratib berilmoqda
Yoshlarni qo‘llab-quvvatlash va bandligini ta’minlash, ularning doimiy daromad manbaiga ega bo
- 12.04.2024 / 21:53
- 548
Yangi qaror: Sug‘urta tizimidagi o‘zgarishlar xalq uchun manfaat keltiradimi?
O‘zbekiston Respublikasi Prezidentining 2024-yil 1-martdagi “Sug‘urta xizmatlari bozorini yana
- 12.03.2024 / 14:29
- 193
Iqtibos, kun raqami, qiziqarli ovozli xabarlar va kun deyjesti - Telegram kanalimizda!
Muhokama qoldirish
Muhokama qonun-qoidalari