МИБ Фарғона вилоят бошқармасининг маълум қилишича, фуқаролик ишлари бўйича Ўзбекистон туманлараро судининг 2011 йилдаги суд буйруғига асосан қарздор эркакдан ундирувчи собиқ аёли (гуруҳ ногирони) фойдасига вояга етмаган 1 нафар фарзанди учун алимент ундириш белгилаган.
Аммо, эр алимент пулларини ўз вақтида тўлашлиги тўғрисида огоҳлантирилган бўлсада, тўламасдан келган.
Шундан сўнг, давлат ижрочиси қарздорнинг яшаш уйига бир неча маротаба борган. Уни топиш имкони бўлмаганлиги сабабли, унга нисбатан қидирув эълон қилинган.
Бошқарма қидирув шўъбаси ходимлари 18 апрель куни қарздорнинг ижро ҳужжатида кўрсатилган манзилга бориб, унинг яшаш хонадонидаги барча жойлар кўздан кечирилган пайтда эркак уйнинг ётоқхонасида маст ҳолатда ухлаб ётгани аниқланди ва у ўйғотиб олиб чиқилди.
Шу куннинг ўзида қарздор мавжуд 33 млн 405 минг сўм алимент қарздорлигини тўламаганлиги сабабли, Жиноят ишлари бўйича Фурқат туман суди томонидан унга нисбатан 15 сутка маъмурий қамоқ жазоси тайинланди.
Жасурбек Мамасидиқов
МИБ Фарғона вилоят бошқармаси инспектори
Иқтибос, кун рақами, қизиқарли овозли хабарлар ва кун дейжести - Телеграм каналимизда!
Муҳокама қолдириш
Муҳокама қонун-қоидалари