Mamlakatimizda iqtidorli bolalarni aniqlash, ta’lim jarayonida ilg‘or texnologiyalarni qo‘llagan holda ularni o‘qitish va tarbiyalash bo‘yicha yaxlit tizim yaratish, iste’dodli yoshlarni yanada qo‘llab-quvvatlash va rag‘batlantirish maqsadida Prezident maktablari tashkil etilmoqda. Qurilishi boshlangan mazkur ta’lim maskani ham ana shu ezgu sa’y-harakatlarning samarasidir.
Maktabning umumiy maydoni 2 gektarni tashkil etib, bu yerda o‘qish va sport bilan shug‘ullanish uchun barcha sharoitlar yaratiladi. Ikkita o‘quv korpusi, basseyn va gimnastika zali, yotoqxona va mehmonxona, futbol maydoni, voleybol-basketbol maydonchasi, plats, rekreatsion zona, gulzor va o‘quv-tajriba uchastkasi, parking bunyod etiladi. Shuningdek, obodonlashtirish va ko‘kalamzorlashtirish bo‘yicha katta hajmdagi ishlarni amalga oshirish rejalashtirilgan, dam olish maskanlari, gulzor, yopiq avtoturargoh tashkil etish ko‘zda tutilgan.
Qurilish ishlari “Fayz binokor Oltiariq" mas’uliyati cheklangan jamiyati tomonidan amalga oshirilmoqda. Prezident maktabi 2020 yilning may oyida foydalanishga topshiriladi ham yangi o‘quv yilidan o‘quvchilarni qabul qiladi.
Tamal toshi qo‘yish marosimida Farg‘ona viloyati hokimi Sh.G‘aniyev ishtirok etdi.
M.Sulaymonov
Sherzod Qoraboyev (surat)
Iqtibos, kun raqami, qiziqarli ovozli xabarlar va kun deyjesti - Telegram kanalimizda!
Muhokama qoldirish
Muhokama qonun-qoidalari