Joriy yilning apreligacha pensiya islohotining yangi konsepsiyasi ishlab chiqiladi va jamoatchilik muhokamasiga qo‘yiladi. Bu haqda Pensiya jamg‘armasi vakili ma’lum qildi.
Jahon banki, Xalqaro valyuta jamg‘armasi va boshqa xalqaro tashkilotlar bilan hamkorlikda hujjat ustida ish olib borilmoqda.
Boshqa davlatlarga nisbatan eng kam hisoblangan pensiyaga chiqish yoshi bosqichma-bosqich o‘zgartiriladi. Dunyoda erkaklar va ayollar uchun o‘rtacha pensiya yoshi 62 yoshni, O‘zbekistonda esa 57,5 yoshni tashkil etadi. Shuningdek 7 yilni tashkil etadigan, pensiya tayinlash uchun eng kam staj bosqichma-bosqich oshirilishi rejalashtirilmoqda (Xalqaro mehnat tashkiloti Konvensiyasiga muvofiq – 15 yil).
Pensiya badallarini to‘lashda aholi manfaatdorligini oshirish uchun uch darajali pensiya ta’minoti tizimiga o‘tilishi ko‘rib chiqilmoqda. Birinchi darajasida eng kam miqdordagi davlat pensiyasi to‘lanishi nazarda tutilmoqda. Ikkinchi darajasida – MB qayta moliyalashtirish stavkasidan kam bo‘lmagan miqdorda foizlar hisoblangan holda ish haqidan muayyan summadagi ajratmalar asosida shaxsiy hisobvaraqda jamlangan pensiyani to‘lash. Uchinchi holatda Pensiya jamg‘armasiga ajratmalar miqdori aholi tomonidan belgilanadi.
Joriy yilda fuqarolarning pensiya ta’minoti to‘g‘risidagi yangi qonun qabul qilinadi. Amaldagi Qonun 1994 yilda qabul qilingan. Qonunga 26 marta tuzatishlar kiritilganligiga qaramay, unda havolaki normalar, o‘zini oqlamagan imtiyozlar ham talaygina, deyiladi ma’lumotda.
Mavzuga doir
“Yoshlar daftari”ga kiritilgan yoshlarning kontrakti to‘lab beriladimi?
O‘zbekiston Respublikasida yoshlarni ta’lim olishiga, ularni tadbirkorlik faoliyati bilan shug
- 10.11.2024 / 17:52
- 197
O‘zboshimchalik bilan egallab olingan yer uchastkalari va binolar bog‘liq yangi qonun ijrosi qanday ta’minlanadi?
«O‘zboshimchalik bilan egallab olingan yer uchastkalariga hamda ularda qurilgan binolar va inshoo
- 06.11.2024 / 21:38
- 256
Iqtibos, kun raqami, qiziqarli ovozli xabarlar va kun deyjesti - Telegram kanalimizda!
Muhokama qoldirish
Muhokama qonun-qoidalari