Tillavoldiev Аdhamjon Ziyoviddinovich O‘zbekiston Respublikasi Prezidentining 2022-yil 23-maydagi tegishli farmoyishiga asosan Farg‘ona viloyati davlat soliq boshqarmasi boshlig‘i etib tayinlandi.
Ushbu tayinlov Farg‘ona viloyati hokimligida Davlat soliq qo‘mitasi raisi Sherzod Qudbiev, viloyat hokimi Xayrullo Bozorov, viloyat sektorlari rahbarlari, tegishli boshqarmalar va tashkilotlar rahbarlari ishtirokidagi tashkiliy yig‘ilish davomida eʼlon qilindi. Bu haqida viloyat hokimligi axborot xizmati xabar qildi.
Аdhamjon Tillavoldiev 1965-yilda Toshloq tumanida tug‘ilgan. Maʼlumoti oliy, 1986-yilda Marg‘ilon plan-iqtisod texnikumini, 1992-yilda Аndijon iqtisodiyot va boshqaruv institutini tamomlagan.
Soliq tizimidagi mehnat faoliyatini 1997-yilda Toshloq tumani davlat soliq inspektsiyasi boshlig‘i lavozimidan boshlab, 2002 – 2017-yillar davomida Farg‘ona viloyati davlat soliq boshqarmasi boshlig‘ining birinchi o‘rinbosari, boshqarma boshlig‘i, Аndijon viloyati davlat soliq boshqarmasi boshlig‘i, xo‘jalik birlashma rahbari bo‘lgan, Farg‘ona viloyati hokimligida masʼul rahbarlik lavozimlarida ishlagan. 2018-yilning yanvarь oyidan sentyabriga qadar Davlat soliq qo‘mitasining Jismoniy shaxslar soliq maʼmuriyatchiligi bosh boshqarmasi boshlig‘i sifatida faoliyat yuritgan.
U 2018-yil sentyabr oyidan ushbu lavozimga tayinlangunga qadar Namangan viloyati davlat soliq boshqarmasi boshlig‘i lavozimida ishlab kelayotgan edi.
Eslatib o‘tamiz, avvalroq Farg‘ona viloyati davlat soliq boshqarmasi boshlig‘i bo‘lib ishlab kelgan Nisbatxonov Shukurulloxon Xolmatxonovich O‘zbekiston Respublikasi Prezidenti Farmoyishi bilan Qashqadaryo viloyati davlat soliq boshqarmasi boshlig‘i lavozimiga tayinlangan edi.
Mavzuga doir
Farg‘onada yoshlarga dehqonchilik qilish uchun yer maydonlari ajratib berilmoqda
Yoshlarni qo‘llab-quvvatlash va bandligini ta’minlash, ularning doimiy daromad manbaiga ega bo
- 12.04.2024 / 21:53
- 531
Yangi qaror: Sug‘urta tizimidagi o‘zgarishlar xalq uchun manfaat keltiradimi?
O‘zbekiston Respublikasi Prezidentining 2024-yil 1-martdagi “Sug‘urta xizmatlari bozorini yana
- 12.03.2024 / 14:29
- 190
Iqtibos, kun raqami, qiziqarli ovozli xabarlar va kun deyjesti - Telegram kanalimizda!
Muhokama qoldirish
Muhokama qonun-qoidalari